أهلا، اليوم غدي نحييو ذكرى أمين تهاني، لي مات شهيد بسبب التعذيب في سنوات الجمر و الرصاص بالمَغْرِبْ. أمين التهاني تزاد يوم 4 نُوَفنْبِرْ 1956 بِمَدِينَةِ وَجْدَهْ، وقرا فيها الْاِبْتِدَائِيَّ و الثََّانَوِيَّ. فعام 1974 ملي خدا الباكلوريا فالرياضيات، مشا لرباط يقرا فالْمَدْرَسَة الْمُحَمَّدِيَّة لدلْمُهَنْدِسِينْ . شارك الشهيد في تأسيس مجالس النضال في السرية سنة 1974 و في تأسيس تيار الطلبة الديمقراطيين سنة 1975 الي غدي يولي إِسْمْو الطَّلَبَة الْقَاعِدِيِينْ منبعد المؤتمر الوطني 16 لِلْاِتِّحَادْ الوطني لِطَلَبَةْ الْمَغْرِبْ . فهاد المدة، كان كيناضل فالرباط مع مُنَظَّمَةْ إلى الأمام فالوسط الطلابي، …… ف سنة 1980 خدا أمين على دبلوم مهندس دولة في الإلكترونيك و الأوتومتيزم الصِّنَاعِيَهْ. لكن بعد تخرجه، نفاتو وزارة الداخلية للراشدية باش يدوز تما الخدمة المدنية، رغم ذلك، أمين كمل نشاطو السياسي وسط الجماهير فهاديك الْمِنْطَقَهْ. …..فعام 1982 خدم أمين بشركة سامير لتكرير البترول بالمحمدية، و كان مسؤول على مصلحة الصيانة لمعدات الكهربائية و الإليكترونية.في شركة سامير، قوى أمين العمل النقابي ديالو مع الكُنْفِدِرَالِيَهْ الدِّيمُقْرَاطِيَهْ للشغل، وشارك في التهييء للندوة الوطنية لِمُنَظَّمَةِ إلى الأمام في فبراير 1983 ، وانتخب عضو ف القيادة ديالها وشارَكَ في تَهْيِئِ المُؤْتَمَرِ الْأَوَّلْ الإتحاد الوطني لِلْمُهَنْدِسِينْ
تزوج برفيقتو ماريا شَرَفْ في 1983 و تزاد عندو أيمن ف 1985. 27 أكتوبر 1985 هو النهار إلى أن اخْطِفو البوليس السري هو ومراتو فواحد الحملة تشدو فها بزاف ديال الشباب بسبب أفكارهم . رماوه ف مركز التعذيب السري دَرْبْ مَوْلَاهُمْ الشريف. عدبوه تما بوحشية و منعوه من الدواء. ما سيفطوه لسبيطار حى فات الفوت و استشهد في 6 نُوَنْبِرْ 1985. …. من أجل مغرب الكرامة و الحرية و المساواة الفعلية و الديمقراطية.
